यूं तो गुजर रहा है हर इक पल खुशी के साथ

यूं तो गुजर रहा है हर इक पल खुशी के साथ
फिर भी कोई कमीं सी है, क्यूं जिंदगी के साथ...

खरं तर खूप छान चाललंय तरी देखील कशाचा तरी अभाव जाणवतो. असं अपूर्ण असणं हा जीवनाचा स्थायीभाव आहे हे माहित असून ही अशी तक्रार असते. मला खूप पुढचा पल्ला गाठायचा आहे त्यासाठी मी मेहनत ही करतो आहे पण या सगळ्या उद्योगात माझ्या आवडीच्या गोष्टी फार मागे पडताहेत.

माझं पुस्तकांवर फार प्रेम आहे या प्रेमापोटीच मी आमच्या ऑफिस मध्ये मराठी वाङमय मंडळाच्या स्थापनेत हातभार लावला, प्रसंगी भांडलोय देखील पण आज त्या दोनशे पुस्तकांपैकी 20 पुस्तकंही मी वाचली नसतील. वाचनालयाच्या वेळेत शक्यतो मी दुसरं काम ठेवत नाही. पुस्तकं देण्यासाठी मी तिथे असतो पण मी किती पुस्तकं वाचली हा एक प्रश्न आहे.

अशा अनेक गोष्टी आहेत ज्या मला सोडाव्या लागल्या... कधी स्वतःसाठी.. कधी घरच्यांसाठी.. आणि कधी लोकांसाठी.

माझ्या मैत्रीणीने माझी तळमळ जाणून एक दोन कविता ही लिहून टाकल्या. http://ratnahile.blogspot.com/2008/05/blog-post.html

हे कवि लोक ना...
कशावरही कविता करतात.